सोमबार, १८ जेठ २०८३
सोमबार, १८ जेठ २०८३
बुधबार, ११ चैत २०८२ · समसामयिक
भक्तपुर, चैत ११ । यस वर्षको माध्यमिक शिक्षा परीक्षा (एसईई) चैत १९ गतेदेखि सुरु हुँदैछ। २१ फागुनमा भएको निर्वाचनका कारण परीक्षा १२ दिनपछि सारिएको हो।
राष्ट्रिय परीक्षा बोर्डका अनुसार यस वर्ष करिब ५ लाख १० हजार विद्यार्थी एसईईमा सहभागी हुँदैछन्, जुन गत वर्षको तुलनामा करिब ४ हजार कम हो। सहभागीमध्ये ६३ हजार विद्यार्थी एक्जाम्टेड छन् भने जापानबाट २३ जना विद्यार्थीले पनि परीक्षा दिनेछन्।
देशभर १,९९१ परीक्षा केन्द्र तोकिएका छन् र प्रश्नपत्र ७७ वटै जिल्लामा पुर्याइएको छ। परीक्षा चैत १९ देखि २९ गतेसम्म हरेक दिन बिहान ८ बजेदेखि सञ्चालन हुनेछ।
तालिकाअनुसार पहिलो दिन अनिवार्य अंग्रेजी, दोस्रो दिन नेपाली र त्यसपछि गणित लगायतका विषयहरूको परीक्षा हुनेछ। परीक्षा सुरक्षित बनाउन करिब १२ हजार ५ सय सुरक्षाकर्मी परिचालन गरिनेछ।
परीक्षा सकिएलगत्तै कापी परीक्षण सुरु गरी असारको तेस्रो सातासम्म नतिजा सार्वजनिक गर्ने तयारी गरिएको छ।
