प्रधानमन्त्री बालेन्द्र शाह आज संयुक्त राष्ट्रसंघको ८१औं महासभालाई सम्बोधन गर्दै

काठमाडौं, असोज ८ । प्रधानमन्त्री बालेन्द्र शाहले आज संयुक्त राष्ट्रसंघको ८१औं महासभाको उच्चस्तरीय सत्रलाई सम्बोधन गर्दैछन्। अमेरिकाको न्युयोर्कमा जारी महासभामा प्रधानमन्त्री शाहले नेपालका तर्फबाट आफ्नो वक्तव्य प्रस्तुत गर्न लागेका हुन्।

राष्ट्रसंघको कार्यतालिकाअनुसार प्रधानमन्त्री शाहको सम्बोधन स्थानीय समयअनुसार बिहीबार दिउँसो ३ बजे सुरु हुने सत्रमा तय गरिएको छ। नेपाल समयअनुसार भने उनको सम्बोधन शुक्रबार मध्यरातपछि हुनेछ।

महासभाका विभिन्न सत्र तथा छलफलहरूमा सहभागी हुन प्रधानमन्त्री शाह मंगलबार साँझ कतार एयरवेजको उडानमार्फत न्युयोर्क पुगेका थिए। न्युयोर्क बसाइका क्रममा उनले संयुक्त राष्ट्रसंघका महासचिव एन्टोनियो गुटेरेससँग द्विपक्षीय भेटवार्ता गर्नेसमेत कार्यक्रम रहेको छ।

यसपटक महासभाको सम्बोधनमा प्रधानमन्त्री शाहले नेपालमा पछिल्लो समय देखिएको जलवायुजन्य विपद् र त्यसबाट भएको क्षतिलाई मुख्य प्राथमिकताका साथ उठाउने तयारी गरेका छन्। प्रधानमन्त्री शाह कतार हुँदै असोज १० गते स्वदेश फर्कने कार्यक्रम छ।