बुधबार, १७ असार २०८३
बुधबार, १७ असार २०८३
बुधबार, १७ असार २०८३ · जीवनशैली
काठमाडौं, असार १७ । अधिकांश योगासनहरू खाली पेटमा गर्ने सल्लाह दिइन्छ । तर, योग विज्ञानमा एउटा यस्तो आसन पनि छ जसलाई खाना खाने बित्तिकै गर्दा पाचन प्रणालीलाई ठुलो फाइदा पुग्छ । स्वास्थ्य विज्ञहरूका अनुसार रातीको खाना (डिनर) पछि मात्र ५ मिनेट 'वज्रासन' मा बस्नाले पाचन प्रक्रिया तीव्र हुनुका साथै पेटसम्बन्धी धेरै समस्याबाट मुक्ति मिल्छ ।
के हो वज्रासन र कसरी बस्ने ?
वज्रासन एकदमै सरल र सहज योग मुद्रा हो । यसमा घुँडालाई पछाडि पट्टि मोडेर कुर्कुच्चा (एडी) माथि बसिन्छ । यसरी बस्दा मेरुदण्ड (ढाड) लाई एकदम सिधा राख्नुपर्छ र दुवै हातलाई आरामसँग घुँडामाथि राख्नुपर्छ । व्यस्त जीवनशैलीका कारण घरमै वा ओछ्यानमै बसेर पनि यो आसन सजिलै गर्न सकिन्छ ।
५ मिनेटको बसाइ, अनगिन्ती फाइदा
पाचन प्रक्रियामा सुधार: खाना खाने बित्तिकै वज्रासनमा बस्दा शरीरको रक्तसञ्चार पेट र पाचन प्रणालीतर्फ केन्द्रित हुन्छ, जसले खानालाई छिटो र राम्रोसँग पचाउन मद्दत गर्छ ।
भारीपन र ग्याँसबाट राहत: धेरै मानिसलाई डिनरपछि पेट फुल्ने, भारी हुने वा अपचको समस्या हुन्छ । नियमित ५ मिनेटको अभ्यासले पेट हलुका बनाउँछ ।
मानसिक शान्ति: यो मुद्राले व्यस्त दिनचर्यापछि शरीर र मनलाई केही बेर शान्त राख्ने अवसर दिन्छ, जसले गर्दा तनाव कम भई निद्रा पनि राम्रो पर्छ ।
कसले नगर्ने ?
वज्रासन निकै फाइदाजनक भए तापनि सबैका लागि यो उपयुक्त नहुन सक्छ । स्वास्थ्य विज्ञहरूका अनुसार निम्न अवस्थामा यो आसन गर्नुअघि वा गम्भीर समस्या भएमा डाक्टरको सल्लाह लिनु आवश्यक छ:
पाचन प्रणालीलाई सधैँ दुरुस्त राख्न वज्रासनका साथै खाना राम्रोसँग चपाएर खाने, राती ढिलो खाना नखाने, पर्याप्त पानी पिउने र दैनिक सामान्य शारीरिक व्यायाम गर्ने बानी बसाल्नुपर्छ ।
