भोटेकोसी बाढी : माथिल्लो त्रिशूली–१ काे सुरुङबाट ६ शव फेला

काठमाडौं, असोज २ ।  भाद्र १० गते भोटेकोसीमा आएको विनाशकारी बाढीपछि सम्पर्कविहीन भएका माथिल्लो त्रिशूली–१ जलविद्युत् आयोजनाका व्यक्तिहरूको खोजीका क्रममा अडिट–३ टनेलबाट ६ वटा शव फेला परेका छन्।

आयोजनाका प्रतिनिधिसहितको संयुक्त उद्धार टोलीले डन्डीको जालीमा अल्झिएको अवस्थामा शव फेला पारेको हो। ग्राइन्डर, ग्यास कटर र रोटरी रेस्क्यु उपकरण प्रयोग गरी शवहरू बाहिर निकालिएको जनाइएको छ।

टनेलभित्र हिलोले छोपिएको अवस्थामा थप शवजस्तो आकृति समेत देखिएकाले खोजी कार्य जारी रहेको छ।