प्रतितोला २ लाख ९२ हजार ८०० रुपैयाँ पुग्यो सुनको मूल्य

काठमाडौं, जेठ ११ । नेपाली बजारमा सोमबार सुनको मूल्यमा फेरि वृद्धि भएको छ। 

नेपाल सुनचाँदी व्यवसायी महासंघका अनुसार आइतबारको तुलनामा सोमबार सुनको भाउ प्रतितोला १,९०० रुपैयाँले बढेर २ लाख ९२ हजार ८०० रुपैयाँ पुगेको छ।

यसअघि आइतबार सुन प्रतितोला २ लाख ९० हजार ९०० रुपैयाँमा कारोबार भएको थियो। सुनसँगै चाँदीको मूल्यमा पनि वृद्धि भएको छ। सोमबार चाँदी तोलामा ४० रुपैयाँले बढेर प्रतितोला ५ हजार १५० रुपैयाँ कायम भएको महासंघले जनाएको छ।