आइतबार, २१ भदौ २०८३
आइतबार, २१ भदौ २०८३
बिहिबार, १९ चैत २०८२ · राजनीति
काठमाडौं, चैत १९ । संसद्को पहिलो अधिवेशन आजदेखि सुरु हुँदैछ । पहिलो अधिवेशनमा नेकपा एमालेले अध्यक्ष केपी शर्मा ओलीलाई सरकारले पक्राउ गरेको विषयमा बिरोध जनाउने भएको छ ।
पहिलो बैठक भएकाले संसद नै अवरुद्ध भने नपार्ने नेकपा एमालेका केन्द्रिय सदस्य तथा सांसद ऐन महरले जानकारी दिनुभयाे । उहाले भन्नुभयो, ‘आज अध्यक्ष पक्राउको बिषयलाई लिएर हामीले संसदमा नाराबाजी तथा अवरोध गर्दैनौं, तर संसदमा उठेर बिरोध जनाउँछौं । ’
सिंहदरबारस्थित निर्माणाधीन संघीय संसद् भवनको बहुद्देश्यीय कक्षमा दिउँसो २ बजेका लागि प्रतिनिधिसभा बैठक बोलाइएको छ । संसदको ज्येष्ठ सदस्यका हैसियतले अर्जुननरसिंह केसीले बैठकको सुरुमा अधिवेशन आह्वान सम्बन्धी पत्र पढेर सुनाउनुहुनेछ ।
आजको बैठकमा रास्वपा सभापति रवि लामिछाने, एमाले संसदीय दलका नेता रामबहादुर थापा बादल, नेपाली कम्युनिस्ट पार्टीका संसदीय दलका नेता पुष्पकमल दाहाल प्रचण्ड, श्रम संस्कृति पार्टीका हर्क साम्पाङ र राप्रपाबाट ज्ञानबहादुर शाहीले सम्बोधन गर्नेछन् । आजकै बैठकबाट सभामुख निर्वाचन तालिका सार्वजनिक हुनेछ ।
