काठमाडौं, चैत १३ । नवनियुक्त गृहमन्त्री सुधन गुरुङले पदभार ग्रहण गर्नुभएको छ ।
शुक्रवार राष्ट्रपतिसमक्ष पद तथा गोपनीयताको शपथ लिएलगत्तै सिंहदरबार पुगेर मन्त्री गुरुङले पदभार ग्रहण गर्नुभएको हो । पदवहाली गर्दै उहाँले सार्वजनिक सेवा प्रवाहमा एकद्वार प्रणालीबाट लागू गर्ने निर्णय गर्नुभएको छ । उहाँले सुशासनका विरुद्ध कुनै काम गर्न नहुने भन्दै कसैले घुस मागे खण्डमा आफूलाई जानकारी गराउन समेत आग्रह गर्नुभयो ।
उहाँले भन्नुभयो, ‘धेरै बोल्ने मान्छे म पर्दिनँ । अबको पाँच वर्ष हामीले सुशासनको लागि काम गर्नुपर्छ । म धेरै नबोलिकन एक्सनमा जानेवाला छु । हामी नतिजा देखाउँछौँ ।’ उहाँले सेवा प्रवाहको विषयमा कुनैपनि गुनासो नआउनेगरी काम गर्न कर्मचारीलाई आग्रह पनि गर्नुभयो ।
–न्युज एजेन्सी नेपाल
