स्वदेश फर्किए देउवा, स्वागतका लागि विमानस्थल पुगे काँग्रेस नेता

काठमाडौं, साउन २८ । नेपाली काँग्रेसका पूर्वसभापति एवं पूर्वप्रधानमन्त्री शेरबहादुर देउवा स्वदेश फर्किने भएसँगै उहाँलाई स्वागत गर्न पार्टीका शिर्ष नेताहरू त्रिभूवन अन्तर्राष्ट्रिय विमानस्थल पुगेका छन् ।

सभापति देउवाको स्वागतका लागि नेपाली काँग्रेसका पूर्वउपसभापति पूर्णबहादुर खड्का, नेताहरू प्रकाशमान सिंह, कृष्णप्रसाद सिटौला, आनन्द ढुंगाना, मोहन बस्नेत र विमलेन्द्र निधी लगायतका नेताहरू विमानस्थल पुगेका हुन् ।

गत वर्षको भदौ महिनामा भएको ‘जेन–जी’ आन्दोलनका क्रममा आफू र धर्मपत्नी डा. आरजु राणा देउवामाथि आक्रमण भएपछि उहाँ उपचारका सिलसिलामा विदेश जानुभएको थियो । सोही उपचार प्रक्रिया पश्चात उहाँ आज स्वदेश फर्किनुभएको हो ।