सोमबार, ०५ असोज २०८३
सोमबार, ०५ असोज २०८३
सोमबार, ०५ असोज २०८३ · समसामयिक
काठमाडौं, असोज ५ । त्रिपुरेश्वरस्थित राहदानी विभागनजिकै रोकिएको बसमा अचानक आगलागी हुँदा चालक गम्भीर घाइते भएका छन्। ऋद्धिसिद्धि यातायातको (बा ५ ख ४२७४ नम्बरको) बस बिसौनीमा ठूलो आगजनीको शिकार बनेको हो, जसबाट गाडी पूर्ण रूपमा जलेर नष्ट भएको छ।
घटनास्थलमा यात्रुहरू कोही पनि नभएको र बसभित्र चालक मात्रै रहेको बुझिएको छ। आगलागीबाट गम्भीर घाइते भएका काभ्रे पनौतीका २५ वर्षीय चालक दावा लामालाई प्रहरीले तत्काल उद्धार गरी कीर्तिपुरस्थित बर्न अस्पताल पुर्याएको छ। उद्धार गर्ने बेलासम्म उनी पूर्ण रूपमा अचेत भइसकेका थिए र अहिले उनको अवस्था गम्भीर रहेको बताइएको छ।
प्रहरीको प्रारम्भिक अनुसन्धान तथा आशंका अनुसार, ट्राफिक प्रहरीसँगको विवाद वा कुनै कारणवश चालक लामा आफैंले बसमा आगो लगाएको हुन सक्ने देखिएको छ। यद्यपि, घटनाको यथार्थ कारण पत्ता लगाउन प्रहरीले अहिले कसरी र किन आगो लाग्यो भन्ने विषयमा सूक्ष्म अनुसन्धान गरिरहेको छ।
४ घण्टा अगाडि
